Koaderno hauen bidez, hezitzaileoi hausnarketarako edukiak, metodologiak, aholkuak, kasu praktikoak eta baliabideak eskani nahi dizkizuegu, balio zehatzak egunerokotasunean lantzeko aukera emanez.

Ezaguna da, jolas jarduerek haurren garapenean duten garrantzia. Jolasaren bidez, zentzuak (ukimena, ikusmena, entzumena…) garatzen dituzte, pertsonak ezagutzen ikasten dute, besteekiko portaera eta errespetu-ohiturak bereganatzen dituzte, irudimena eta fantasia lantzen dute, oroimena lantzen dute, eta abar. Jolasari esker, inguruarekin komunikatzen ikasten dute.

Hala ere, ezin da ahaztu, jolas ugari daudela eta guztiek ez dituztela abilezia berdinak bultzatzen eta errazten. Jolasaren bidez, pertsonen arteko harremanetarako balio berriak irakatsi eta ikasi ahal dira; bizikidetzarako eta berdintasunerako balioak, norbere identitatea generoetatik aparte garatuz alegia.

Haur eta gaztetxoen arteko harreman osasuntsuak lantzeko sortu dugun tresna dibertigarria.

Jostailu honen bitartez, zu zeu eta gainerako pertsonak onartzeko, lagunak hobeto ezagutzeko, barre egiteko, emozioak identifikatu eta adierazteko, besteak laguntzeko, elkarrekin ondo pasatzeko… aukera izango duzu.

Gure azken helburua, bizikidetzarako jostailu honen bidez sexismoari aurre egitea da. 7 urtetik gorako haur zein gaztetxoentzako egokia da aurkezten dizugun jolas hau.

Ezaguna da, jolas jarduerek haurren garapenean duten garrantzia. Jolasa, haurren ekintza garrantzitsuenetariko bat da, haurraren berezko bide naturala, giza garapena ahalbidetzen duten hainbat prozesu kognitibo, afektibo ,sozial… abian jartzeko.
Haurrek, jolasa behar dute ikasteko; azken finean, hauen bidez, konpartitzen, galtzen, irabazten, elkarri laguntzen, errespetatzen, amets egiten, komunikatzen… ikasten dute.
Jolasak, jendartean parekidetasuna eta bizikidetza sustatzeko oinarrizko tresnak dira. Hau dela eta, liburu honen bitartez, hezitzaileak diren guztiei (gurasoak, irakasleak, astialdiko begiraleak, …) jarrera sexistak ekiditeko gomendio sortak eskaini nahi izan dizkiegu, jolasek ezkutuan duten balore karga azalduz.

Oraingo honetan, 2003an kaleratu genuen, Jolas ez sexisten bilduman agertzen diren jolasei jarraipen bat eman nahi izan diogu, eta hezitzaileen eskaerei erantzunez, jolasekin tailer batzuk egitea proposatzen dugu.

Gure azken argitalpen hau jaso nahi baduzu, zuzenean harremanetan jarri gurekin telefonoz edo www.urtxintxaeskola.org web guneran bidez.

Bere oinarrian jolas bat dena, sexu hezkuntza jorratzeko dinamika desberdinekin osatu nahi izan dugu.
Jolas honen bitartez, gure gorputzak elkarrekin dantzan ipintzeaz gain, besteen ezaugarriak, mugak, nahiak, erritmoak... ikusteko, sentitzeko eta ikasteko aukera izango duzu.
Gorputzarekin jolastea helburu duen jolasa oinarri hartuta, haur eta gaztetxoen harreman osasuntsuak lantzeko sortu dugun tresna dibertigarria duzu esku artean.
6 urtetik gorako ume zein gaztetxoentzako egokia da aurkezten dizugun jolas hau.
Zuk zeuk sortu beharko duzu jolasa!
Erronka polita duzu esku artean beraz, anima zaitez eta eman hasiera gorputzen dantzari!

• “Xake Mate V. Astialdian sexualitatearen lanketaren bidez sexismoari aurre egiteko aholku
sorta”. 2008an egindako liburuxka. Udan zehar ume eta gazteen begirale eta hezitzaileei helarazi genien. Bizkaiko Foru Aldundiak lagunduta. Euskaraz.

• Gure gorputzaren posibilitate, muga eta funtzioak ezagutzea, gure sexualitatea beldurrik eta atsekaberik gabe eta nola ez arduraz, bizi ahal izateko ezin besteko oinarri da.
Ez dago sexualitatea bizitzeko modu bakarra. Gutako bakoitzak pertsona bakarra bihurtzen gaituzten ezaugarri bereziak ditugu eta zentsu honetan, izateko erak, pentsatzeko erak, sentipenak, gorputzak… anitzak dira. Sexualitatea bizitzeko erak hamaika dira, pertsonak beste!